திருப்புகழ் : கோடான மேருமலை

கோடான மேருமலைத் - தனமானார்

கோமாள மானவலைக் - குழலாதே

நாடோறு மேன்மைபடைத் - திடவேதான்

நாயேனை யாளநினைத் - திடொணாதோ

ஈடேற ஞானமுரைத் - தருள்வோனே

ஈராறு தோள்கள்படைத் - திடுவோனே

மாடேறு மீசர்தமக் - கினியோனே

மாதானை யாறுமுகப் - பெருமாளே.

கோடு ஆன மேரு மலைத் தனம் மானார்

கோமாளம் ஆனவலைக்கு உழலாதே

நாள் தோறும் மேன்மை படைத்திடவே தான்

நாயேனை ஆள நினைத்திட ஒணாதோ

ஈடேற ஞானம் உரைத்து அருள்வோனே

ஈராறு தோள்கள் படைத்திடுவோனே

மாடு ஏறும் ஈசர் தமக்கு இனியோனே

மா தானை ஆறு முகப் பெருமாளே.