திருப்புகழ் : சிரத்தானத்தி

சிரத்தா னத்திற் - பணியாதே

செகத்தோர் பற்றைக் - குறியாதே

வருத்தா மற்றொப் - பிலதான

மலர்த்தாள் வைத்தெத் - தனையாள்வாய்

நிருத்தா கர்த்தத் - துவநேசா

நினைத்தார் சித்தத் - துறைவோனே

திருத்தாள் முத்தர்க் - கருள்வோனே

திருக்கா ளத்திப் - பெருமாளே.

சிரத்தா னத்திற் பணியாதே

செகத்தோர் பற்றைக் குறியாதே

வருத்தா மற்றொப்பிலதான

மலர்த்தாள் வைத்து எத்தனை ஆள்வாய்

நிருத்தா கர்த்தததுவ நேச

நினைத்தார் சித்தத்து உறைவோனே

திருத்தாள் முத்தர்க்கு அருள்வோனே

திருக்கா ளத்திப் பெருமாளே.