திருப்புகழ் : இயலிசையில் உசித

இயலிசையி லுசித வஞ்சிக் - கயர்வாகி

இரவுபகல் மனது சிந்தித் - துழலாதே

உயர்கருணை புரியு மின்பக் - கடல்மூழ்கி

உனையெனது ளறியு மன்பைத் - தருவாயே

மயில்தகர்க லிடைய ரந்தத் - தினைகாவல்

வனசகுற மகளை வந்தித் - தணைவோனே

கயிலைமலை யனைய செந்திற் - பதிவாழ்வே

கரிமுகவ னிளைய கந்தப் - பெருமாளே.

இயலிசையில் உசித வஞ்சிக்கு அயர்வாகி

இரவுபகல் மனது சிந்தித்து உழலாதே

உயர்கருணை புரியும் இன்பக்கடல் மூழ்கி

உனை எனதுள் அறியும் அன்பைத் தருவாயே

மயில் தகர்கல் இடையர் அந்தத் தினைகாவல்

வனசகுற மகளை வந்தித்து அணைவோனே

கயிலைமலை அனைய செந்தில் பதிவாழ்வே

கரிமுகவன் இளைய கந்தப் பெருமாளே.

1. இயல் - இலக்கியம்

2. உசித - சிறப்பான

3. அயர்வு - தளர்வு

4. தகர்கல் - ஆடு

5. வனசகுறமகள் - அழகிய குறத்தியாம் வள்ளி

6. வந்தித்து - வணங்கி

7. அனைய - ஒத்து

8. செந்தில் - திருச்செந்தூர்

9. கரிமுகவன் - பிள்ளையார்