திருப்புகழ் : நினைத்தது எத்தனை

நினைத்த தெத்தனையிற் - றவறாமல்

நிலைத்த புத்திதனைப் - பிரியாமற்

கனத்த தத்துவமுற் - றழியாமற்

கதித்த நித்தியசித் - தருள்வாயே

மனித்தர் பத்தர்தமக் - கெளியோனே

மதித்த முத்தமிழிற் - பெரியோனே

செனித்த புத்திரரிற் - சிறியோனே

திருத்த ணிப்பதியிற் - பெருமாளே.

நினைத்தது எத்தனையில் தவறாமல்

நிலைத்த புத்திதனைப் பிரியாமல்

கனத்த தத்துவம் உற்றழியாமல்

கதித்த நித்தியசித்தருள்வாயே

மனித்தர் பத்தர்தமக்கு எளியோனே

மதித்த முத்தமிழில் பெரியோனே

செனித்த புத்திரரிற் சிறியோனே

திருத்தணிப்பதியிற் பெருமாளே.