திருப்புகழ் : கனைத்து அதிர்க்கும்

கனைத்த திர்க்குமிப் பொங்கு கார்க்கட - லொன்றினாலே

கறுத்த றச்சிவத் தங்கி வாய்த்தெழு - திங்களாலே

தனிக்க ருப்புவிற் கொண்டு வீழ்த்தச - ரங்களாலே

தகைத்தொ ருத்தியெய்த் திங்கு யாக்கைச - ழங்கலாமோ

தினைப்பு னத்தினைப் பண்டு காத்தம - டந்தைகேள்வா

திருத்த ணிப்பதிக் குன்றின் மேற்றிகழ் - கந்தவேளே

பனைக்க ரக்கயத் தண்டர் போற்றிய - மங்கைபாகா

படைத்த ளித்தழிக் குந்த்ரி மூர்த்திகள் - தம்பிரானே.

கனைத்து அதிர்க்கும் இப் பொங்கு கார்க்கடல் ஒன்றினாலே

கறுத்து அறச்சிவத்து அங்கி வாய்த்தெழு திங்களாலே

தனிக்கருப்பு விற் கொண்டு வீழ்த்த சரங்களாலே

தகைத்து ஒருத்தி எய்த்து இங்கு யாக்கை சழங்கலாமோ

தினைப்புனத்தினைப் பண்டு காத்த

மடந்தைகேள்வா

திருத்த ணிப்பதிக் குன்றின் மேல்

திகழ் கந்தவேளே

பனைக்க ரக்கயத்து அண்டர் போற்றிய

மங்கைபாகா

படைத்து அளித்து அழிக் கும்

த்ரி மூர்த்திகள் தம்பிரானே.